اسرائیل فلسطین کشیدگی: مومنہ مستحسن کو ٹوئٹ پر تنقید کا سامنا

admin

اسلام آباد: (شوبز ویب ڈیسک) معروف گلوکارہ مومنہ مستحسن نے اسرائیل فلسطین کشیدگی پر بیان دیا تو سوشل میڈیا غصے سے بھڑک اُٹھے اور گلوکارہ کو شدید تنقید کا نشانہ بنا ڈالا۔

گلوکارہ مومنہ مستحسن نے سماجی رابطے کی ویب سائٹ ایکس پر کہا کہ میں اپنے یہودی دوستوں کی جانوں کے ضیاع پر غمزدہ ہوں، میں فلسطین کے مسلمانوں اور عیسائیوں کے غم میں برابر کی شریک ہوں، جن کی روزانہ کی بنیاد پر بےشمار زندگیاں لی جارہی ہیں۔


گلوکارہ نے سوال کیا کہ آخر مزید کتنی جانوں کا ضیاع ہوگا؟ ظالم اور مظلوم طبقے کو اجتماعی سزا دینا انسانیت کے خلاف ہے۔

بیان کے بعد سوشل میڈیا صارفین غصے سے آگ بگولا ہوگئے اور انہوں نے مومنہ مستحسن پر شدید تنقید کرتے ہوئے اُنہیں امریکی ماڈل بیلا حدید کی مثال دے دی جنہوں نے ہمیشہ کسی خوف کے بغیر فلسطین کی حمایت کی ہے۔

سوشل میڈیا صارفین کی تنقید پر ردعمل دیتے ہوئے مومنہ مستحسن نے کہا کہ میں بہت حیران ہوں کیونکہ میں نے کبھی نہیں سوچا تھا کہ انسانی جانوں کے ضیاع کی مذمت کرنے پر مجھے پاکستانیوں کی جانب سے تنقید کا سامنا کرنا پڑے گا۔

مومنہ مستحسن نے کہا کہ میرا ماننا یہ ہے کہ اسرائیل کی ریاست تمام یہودیوں کی نمائندگی نہیں کرتی، بالکل اُسی طرح جس طرح بھارتی حکومت تمام ہندوؤں کی نمائندگی نہیں کرتی اور پاکستانی تمام مسلمانوں کی نمائندگی نہیں کرتے۔

گلوکارہ نے کہا کہ میرا ماننا یہ ہے کہ ہمارے لیے سب سے زیادہ اہم انسانی جان اور انسانیت کا تحفظ ہونا چاہیے، میں اسرائیل کی حکومتی پالیسیوں کی مخالفت کرتی ہوں۔


اُنہوں نے کہا کہ فلسطینی عوام کئی دہائیوں سے مظلوم اور قبضے کی زندگی گزار رہے ہیں، ہمیں اس نسل کشی کو روکنے کی ضرورت ہے، ظالم تو قصور وار ہے لیکن ہمیں وہاں عام شہریوں کی ہلاکتوں پر بھی افسوس کرنا چاہیے۔

مزید پڑھیں

پاکستان کی جانب سے بھارت کے جنگی رافیل طیارے گرائے جانے کے بعد چینی…
وطن واپسی تبھی ہوگی جب حالات بہتر ہونگے اور ہائی کمان سے اجازت ملے…
’زندگی میں اگر کسی کو مانا تو اسی کو مانا ہے‘ خلیل الرحمان قمر…
ایف آئی اے کا نادیہ حسین کو بینک فراڈ کیس میں طلب کرنے کا…
امانت میں خیانت کیس،عدالت نے اداکارہ نازش جہانگیر کے وارنٹ گرفتاری منسوخ کر دئیے
ٹک ٹاکر دانیہ شاہ اور شوہر کی گاڑی حادثے کا شکار، ایک شخص جاں…