لوگ وقت نکال کر ڈرامہ دیکھنے آتے ہیں، ان کا وقت ضائع نہیں ہونا چاہیے ‘ انٹر ویو
لاہور(شوبز ڈیسک) معروف کامیڈین اداکار ظفری خان نے کہا ہے کہ اسٹیج کی طرف آنے سے پہلے میں درزی کا کام کرتا تھا۔ ایک انٹر ویو میں ظفری خان نے کہا کہ آپ نے زندگی میں کیا کیا مراحل طے کرنے ہیں یہ سب کچھ لکھا ہوا ہے ۔
میں اسٹیج ڈراموں میں کا م کرنے سے پہلے درزی کا کام کرتا تھا اور اس میں بھی خوش تھا اور آج شوبز کی دنیا میں ہوں تو بھی خوش ہوں ۔ انہوںنے کہا کہ لوگ وقت نکال کر اسٹیج ڈرامہ دیکھنے آتے ہیں اور میری یہ کوشش ہوتی ہے کہ ایسی اداکاری کی جائے کہ لوگوں کا وقت ضائع نہ ہو ، وہ یہ نہ کہیں ڈرامہ دیکھنے گئے اور وقت ضائع کر کے واپس آئے ہیں۔
