’’میں سنگل نہیں ہوں‘‘ گوہر رشید نے تعلقات میں ہونے کا اعتراف کرلیا

لاہور ( شوبز ڈیسک ) معروف اداکار گوہر رشید نے بالآخر کسی سے اپنے تعلقات میں ہونے کا اعتراف کرلیا۔ حال ہی میں گوہر نے ایک انٹرویو کے دوران ایک سوال پر کہا کہ نہیں میں سنگل نہیں ہوں۔ اپنی گرل فرینڈ کے بارے میں بات کرتے ہوئے گوہر رشید نے کہا کہ وہ بہت بہترین شخصیت کی مالک ہیں، اب میں ان کے بغیر اپنی زندگی کا تصور نہیں کرسکتا۔
ایک سوال پر اداکار نے بتایا کہ وہ کسی کو یہ موقع نہیں دیتے کہ کوئی ان کے نجی معاملات پر تبصرہ کرسکے۔
انہوں نے انکشاف کیا کہ جب انہوں نے پہلی بار آڈیشن دیا تھا تو اس میں انہیں بیک گرائونڈ ڈانسر کے لیے منتخب کیا گیا تھا۔اپنے نبھائے گئے کرداروں میں سے پسندیدہ کردار کے بارے میں بات کرتے ہوئے انہوں نے کہا کہ ایک اچھے اداکار کا پسندیدہ کردار ہمیشہ آنے والا کردار ہوتا ہے، انہوں نے کہا کہ وہ اداکاری کے وقت اس بات کا بالکل دبا ئونہیں لیتے کہ سامنے کون سا اداکار موجود ہے۔خیال رہے کہ طویل عرصے سے اداکارہ کبری خان اور گوہر رشید کے تعلق کے حوالے سے قیاس آرائیاں کی جارہی تھیں جس کی دونوں کی جانب سے کھل کر وضاحت کی جاچکی ہے۔