ممبئی (شوبز ڈیسک) بالی ووڈ کی معروف اداکارہ پرینیتی چوپڑا اور اٴْن کے پرانے دوست، عام آدمی پارٹی کے سیاسی رہنما راگھو چڈھا شادی کے لیے اپنے خاندان سمیت بھارتی شہر اٴْدھے پور پہنچ گئے ہیں۔پرینیتی اور راگھو چڈھا کو ادھے پور کے ایئر پورٹ پر علیحدہ علیحدہ شادی کے لیے آتے ہوئے دیکھا گیا۔
اس موقع پربرائیڈ ٹو بی اور گروم ٹو بی کے چہرے کھلے کھلے خوش گوار اور ایئر پورٹ انتہائی خوبصورت انداز میں سجا ہوا دیکھا جا سکتا ہے۔ایئر پورٹ پر شاندار استقبال کے لیے ریڈ کارپٹ بچھایا گیا، پھولوں سے سجایا گیا اور جوڑے کی دیوہیکل تصویر بھی رکھی گئی ہے۔پرینیتی چوپڑا اور راگھو چڈھا کی شادی کی تقریبات تاج لیک پیلس اور دی لیلا پیلس میں ہوں گی۔
