بالی وڈ فلموں کی مقبولیت کا انحصارجنونیت پرہوگیا ہے جو نقصان دہ ہے، نصیرالدین شاہ

نئی دہلی (شوبز ڈیسک) بھارتی اداکار نصیرالدین شاہ نے کہا کہ بالی وڈ فلموں کی مقبولیت کا انحصار جنونیت پر ہوگیا ہے جو نقصان دہ ہے۔ انہوں نے بھارتی میڈیا کو انٹرویو دیتے ہوئے کہاکہ بالی وڈ میں “غدر 2″جیسی فلموں کی کامیابی پریشان کن بات ہے۔

انہوں نے کہا کہ بھارتی فلموں میں یہ دکھایا جارہا ہے کہ جتنے زیادہ آپ جنونی قسم کے محب وطن ہوں گے، اتنے ہی مقبول ہوجائیں گے کیونکہ یہی عنصر ہے جو اس ملک پر غالب ہے۔انہوں نے کہا اب صرف اتنا کافی نہیں ہے کہ آپ اپنے وطن سے محبت کریں بلکہ اسے ثابت کرنے کیلئے آپ کو ڈھول پیٹنا پڑتا ہے اور فرضی دشمن بنانا پڑتے ہیں۔