لاہور (شوبز ڈیسک) تھیٹر کی معروف اداکار ہما علی نے کہا ہے کہ پرکشش شخصیت اور جاندار اداکاری شوبز میں کامیابی دلانے میں اہم کردار ادا کرتی ہے اور ہمارا شعبہ اچھے فنکاروں کی خوب پذیرائی کرتا ہے۔
انہوں نے ایک انٹرویو کے دوران کہا کہ تھیٹر پر کام کرنا ٹی وی اور فلم سے زیادہ مشکل ہے اس میں غلطی کی کوئی گنجائش نہیں ہوتی کیونکہ عوام اچھی اور بری بات پر فوری ردعمل ظاہر کرتے ہیں ۔ انہوں نے کہا کہ رقص ایک آرٹ ہے لیکن بد قسمتی سے اسے اب کسی اور نظر سے دیکھا جاتا ہے ۔ بعض اداکارائیں جس طرح کا رقص کر رہی ہیں اس سے اس خوبصورت آرٹ کاچہرہ داغدار ہوا ہے ۔
