ممبئی (شوبز ڈیسک) بالی ووڈ سپر اسٹار سلمان خان اپنی نئی فلم ‘ٹائیگر 3’ کے پروموشنز کی تیاری کر رہے ہیں۔حال ہی میں انہوں نے بگ باس او ٹی ٹی 2 کی شوٹنگ مکمل کی ہے، پروگرام کے گرینڈ فائنل میں انہوں نے ماضی کے مشکل حالات کا تذکرہ کیا۔سلمان خان نے کہا کہ وہ اسکول میں دوران تعلیم اور جیل کی قید میں باتھ روم خود صاف کیا کرتے تھے۔
ان کا کہنا تھا کہ میں بورڈنگ اسکول میں رہتا تھا، میں اپنے کام خود کرنے کا عادی ہوں اور جیل میں بھی ایسا ہی معاملہ رہا۔سلمان خان نے کہا کہ کسی بھی کام کو چھوٹا یا بڑا نہیں سمجھنا چاہیے، کوئی کام بڑا یا چھوٹا نہیں ہوتا۔انہوں نے بگ باس کی امیدوار پوجا بھٹ کی طرف سے بگ باس ہاؤس کے کمرے کو صاف ستھرا رکھنے پر بہت سراہا اور کہا کہ کبھی بھی بگ باس ہاؤس میں کوئی کمرا اتنا صاف نہیں رہا۔
