لاہور(شوبز ڈیسک) نجی ٹی وی چینل نے اداکارہ فضا ء علی کو مزاحیہ شو کی میزبانی دینے سے انکار کر دیا۔
ذرائع کے حوالے سے بتایاگیا ہے کہ فضا علی نے ایک نجی ٹی وی چینل کے منتظمین سے رابطہ کر کے مزاحیہ شو کی میزبانی کی ذمہ داری سونپنے کی درخواست کی تاہم متعلقہ انتظامیہ نے سوچ بچار کے بعد اداکارہ کو فی الحال معذرت کر لی ہے اور انہیں کہا گیاہے کہ جب کوئی نیا شو شروع ہوا تو اس کے لئے آپ کی خدمات بارے سوچا جائے گا۔
