کراچی(شوبز ڈیسک) پاکستانی معروف میزبان، ہدایتکار و اداکار ساحر لودھی نے دعویٰ کیا ہے کہ جہاں وہ ہوتے ہیں ریٹنگز وہیں آتی ہے۔ اپنے ایک انٹرویو کے دوران میں انہوں نے کہا کہ مارننگ شوز کچھ الگ نہیں بس وہ صبح نشر کیے جاتے ہیں اس لیے اِنہیں مارننگ شو کہہ دیا جاتا ہے، چینلز پر آنے والے سب ہی شوز برابر ہیں۔
انہوں نے کہا کہ یہ نظریہ بھی غلط ہے کہ مارننگ شوز صرف خواتین ہی دیکھتی ہیں۔ انہوں نے کہا کہ میرا بس ایک ماننا ہے کہ جہاں میں ہوتا ہوں رینٹنگز وہیں آتی ہیں۔انہوں نے کہا کہ کچھ لوگ مجھے اس لیے دیکھتے ہیں کہ وہ مجھ سے نفرت کرتے ہیں، کچھ اس لیے دیکھتے ہیں کہ وہ مجھ سے بہت زیادہ نفرت کرتے ہیں اور پھر بہت سارے لوگ مجھے اس لیے دیکھتے ہیں کہ وہ واقعی میں مجھ سے پیار کرتے ہیں۔
