نیویارک(این این آئی)عالمی شہرت یافتہ امریکی اداکارہ و گلوکارہ سیلینا گومز صرف 32سال کی عمر میں دنیا کی ارب پتی شخصیات کی فہرست میں شامل ہوگئیں۔ایک رپورٹ کے مطابق دنیا بھر میں مقبولیت کے جھنڈے گاڑنے والی 32سالہ سیلینا گومز کے اثاثوں کی مالیت 1.3بلین ڈالرز ہے۔
رپورٹ میں بتایا گیا کہ سیلینا گومز بطور سرمایہ کار اور انٹراپرینوئیر معاشی میدان میں بھی ترقی کی سیڑھیاں چڑھتے ہوئے امریکا کے نوجوان اور سیلف میڈ ارب پتی افراد کی فہرست میں شامل ہوگئی ہیں۔رپورٹ میں بتایا گیا کہ سیلینا گومز کی دولت میں کچھ حصہ تو ان کی اداکاری، گلوکاری اور برانڈ پارٹنرشپ کے ذریعے آیا ہے تاہم ملکیت کا بہت بڑا حصہ نوجوانوں اور انفلوئنسرز میں مقبول ان کے پانچ سال پرانے میک اپ برانڈ کا کمایا ہوا ہے۔میڈیا رپورٹس کے مطابق سیلینا گومز نے میک اپ برانڈ کے علاوہ ذہنی صحت سے متعلق ونڈر مائنڈ میں بھی سرمایہ کاری کی ہوئی ہے۔
