راولپنڈی (کرائم ڈیسک) کہوٹہ پولیس نےکارروائی کرکےخاندانی تنازعہ پر شہری کو فائرنگ سے زخمی کر کے بیرون ملک فرار ملزم کو انٹرپول کے ذریعے گرفتارکرلیا۔پولیس کے مطابق راولپنڈی پولیس کی ٹیم اشتہاری کو گرفتار کرنے بیرون ملک گئی تھی۔ راولپنڈی پولیس نے قانونی پراسس کے بعد انٹرپول کے ذریعے اشتہاری مجرم کو گرفتار کروایا جو آج راولپنڈی پولیس کی تحویل میں دے دیا گیا ہے۔
اشتہاری مجرم قیصر شہزاد نے فائرنگ کر کے پرویز اختر کو زخمی کیا تھا، مجرم اشتہاری 2021 کے اقدام قتل کے مقدمہ میں مطلوب تھا، اشتہاری مجرم واردات کے بعد دبئی فرار ہوا تھا، ایس پی صدر محمد نبیل کھوکھر نے کہا کہ اشتہاری مجرم کو قرار واقعی سزا دلوانے کے لئے تمام قانونی تقاضے پورے کئے جائیں گے، اشتہاری مجرمان کی گرفتاری کے لئے تمام وسائل بروئے کار لائے جا رہے ہیں، قانون شکن عناصر قانون کی گرفت سے نہیں بچ سکتے۔
