راولپنڈی(کرائم ڈیسک) صادق آباد پولیس نے کارروائی کرتے ہوئی3رکنی بائیک لفٹر گینگ کوگرفتارکرلیا،ملزمان کے قبضہ سے چوری شدہ4موٹر سائیکل اور رکشہ برآمدکرلیاگیا۔
تفصیلات کے مطابق صادق آباد پولیس نے کارروائی کرتے ہوئے 3رکنی بائیک لفٹر گینگ کو گرفتار کر لیا،ملزمان میں حمزہ ،عادل اور دانش شامل ہیں، ملزمان سے چوری شدہ4موٹرسائیکل اور رکشہ برآمد ہوا۔ایس پی راول فیصل سلیم نے کہاکہ گرفتار ملزمان کو ٹھوس شواہد کے ساتھ چالان کر کے قرار واقعی سزادلوائی جائے گی،موٹرسائیکل چوری کی روک تھام کے لیے موثر اقدامات کیے جا رہے ہیں۔
