حالات انوسٹی گیشن ٹیم شیخوپورہ پہنچی ،اطلاع ملنے پر سابقہ پٹواری غائب ہو گیا، مقامی لوگوں نے عبدلرزاق کی کرپشن کا بھانڈہ سر عام پھوڑ دیا
ذرائع کے مطابق کرپٹ پٹواری کی جائیداد شیخوپورہ کے علاوہ کئی دیگر جگہوں میں بھی ہے، بہت جلد عبدلرزاق کی کرپشن کے ثبوت منظر عام پر ہوں گے
متعلقہ پٹواری سے انٹی کرپشن کے ذریعہ کرپشن کا ریکارڈ حاصل کیا جائے گا، کرپٹ پٹواری کی تمام جائیداوں کا ریکارڈ بمعہ ثبوت متعلقہ محکموں کو مہیا کر کے اس کو کیفر کردار تک پہنچایا جائے گا، حالات انوسٹی گیشن ٹیم
راولپنڈی(حالات انوسٹی گیشن سیل)حالات انوسٹی گیشن نے چند دن قبل سابقہ پٹواری عبدلرزاق کی کرپشن کے بارے میں ایک خبر بریک کی تھی اور اس سابقہ پٹواری کی کرپشن بے نقاب کرنے پر کام شروع کر دیا گیا تھا ۔ تفصیلات کے مطابق انوسٹی گیشن ٹیم اس سلسہ میں کرپٹ پٹواری کے گاﺅں تک رسائی حاصل کی لیکن اطلاع ملنے پر متعلقہ سابقہ پٹواری رفو چکر ہو گیا بعد ازاں مقامی لوگوں سے اس کے بارے میں معلومات حاصل کی گئیں جہاں حیرت انگیز انکشافات سامے آئے ہیں ذرائع کے مطابق اس کرپٹ پٹواری کی جائیداد شیخو پورہ میں ہی نہیں بلکہ کئی دیگر جگہوں پر بھی پھیلی ہوئی ہے ۔
انوسٹی گیشن ٹیم نے فیصلہ کیا ہے کہ متعلقہ پٹواری سے انٹی کرپشن ڈیپارٹمنٹ کے ذریعہ اس کی جعل سازی سامنے لائی جائے گی اس کے علاوہ ان مقامی لوگوں سے رابطہ کیا جائے گا جن کی زمینیں خرد برد کی گئی ہیں ان سب متاثرین کی زمیینں بھی واہگزار کروائی جائیں گی بلکہ متعلقہ محکوں کے توسط سے اس کرپٹ سابقہ پٹواری کو کیفر کردار تک بھی پہنچایا جائے گا۔ حالات انوسٹی گیشن ٹیم نے ان تمام مقامی لوگوں سے رابطہ بھی کر لیا ہوا ہے بہت جلد حیرت انگیز انکشافات متوقع ہیں۔
