راولپنڈی (کرائم ڈیسک) نیوٹاؤن پولیس کی کارروائی،چوری کی واردات کا ڈراپ سین، دوکان کا ملازم ہی چور نکلا،چوری شدہ لیپ ٹاپ برآمد کرلئے۔
پولیس کے مطابق تھانہ نیوٹاؤن پولیس کو شہری نے درخواست دی کہ کوئی نامعلوم چوردوکان سے لیپ ٹاپ چوری کرکے لیے گیا ہے، نیوٹاؤن پولیس نے حالا ت واقعات مشکوک جانتے ہوئے دوکان کے ملازم ابراہیم اویس کو شامل تفتیش کیا،دوران تفتیش ملزم نے چوری کی واردات کا اعتراف کرلیا، ملزم سے چوری شدہ 03لیپ ٹاپ برآمد ہوئے، ایس پی راول فیصل سلیم کاکہناتھاکہ گرفتار ملزم کو ٹھوس شواہد کے ساتھ چالان کرکے قرار واقعی سزا دلوائی جائے گی، ملزم کتناہی شاطر کیوں نہ ہو قانون کی گرفت سے نہیں بچ سکتا۔
