ائیرپورٹ پولیس کا رحیم آباد و گردونواح میں سرچ آپریشنز

سرچ آپریشنز میں33 گھروں ،17 دوکانیں اور 150 اشخاص کے کوائف کی چیکنگ

راولپنڈی(نیوز ڈیسک) ائیرپورٹ پولیس کا رحیم آباد و گردونواح میں سرچ آپریشنز، سرچ آپریشنز میں گھروں،کرایہ داروں کے کرایہ داری کوائف اورافراد کی چیکنگ کی گئی۔

تفصیلات کے مطابق ائیرپورٹ پولیس کا رحیم آباد و گردونواح میں سرچ آپریشنز کیا گیا،سرچ آپریشنز میں مقامی پولیس سمیت، لیڈی پولیس، ایلیٹ فورس اوردیگر قانون نافذ کرنے والے اداروں نے شرکت کی، سرچ آپریشنز کے دوران 33 گھروں اور 17 دوکانیںجبکہ 150 اشخاص کے کوائف چیک کیے گئے۔ایس پی پوٹھوہار نے کہاکہ سرچ آپریشنز کا مقصد جرائم پیشہ عناصر کی بیخ کنی کرنا ہے،نیشنل ایکشن پلان کے تحت سرچ آپریشنزکا سلسلہ جاری رہے گا۔