راولپنڈی،مختلف علاقوں میں سرچ آپریشن،گھروں ،کرایہ داروں ،دکانوں کے کوائف چیک کئے گئے

راولپنڈی(کرائم ڈیسک) راولپنڈی پولیس نے گزشتہ روز مختلف علاقوں میں سرچ آپریشنزکئے جن میں گھروں،کرایہ داروں کے کرایہ داری کوائف ،دوکانوں،ہوٹلوںاورافراد کی چیکنگ کی گئی تھانہ چونترہ،کلرسیداں ،کہوٹہ ،دھمیال ،جاتلی، چکری، مندرہ، گوجر خان،نصیرآباد ،ٹیکسلا،واہ کینٹ ، مورگاہ اور گردونواح میں ہونے والے سرچ آپریشنز میں مقامی پولیس سمیت، لیڈی پولیس، ایلیٹ فورس اوردیگر قانون نافذ کرنے والے اداروں نے حصہ لیا، سرچ آپریشنز کے دوران مجموعی طور پر 247گھروں،90 دکانوں ،5ہوٹلوںاور511افراد کے کوائف چیک کئے گئے۔