لاہور(کرائم ڈیسک) سسرالیوں نے گھریلو جھگڑے پر 23 سالہ نوجوان لڑکی کو تیل چھڑک کر آگ لگا دی، پولیس نے شوہر اور ساس کو گرفتار کر لیا۔
نجی ٹی وی کے مطابق اچھرہ کے علاقے ریڑھی والا چوک میں سسرالیوں نے گھریلو جھگڑے پر 23 سالہ فائزہ کو تیل چھڑک کر آگ لگا دی جسے تشویشناک حالت میں ہسپتال منتقل کیا گیا۔ ایس پی ماڈل ٹاؤن ڈاکٹر عمارہ شیرازی نے بتایا کہ اچھرہ پولیس نے 15 کال پر فوری کارروائی کرتے ہوئے خاوند اور ساس کو گرفتار کرلیا۔
عمارہ شیرازی کے مطابق خاوند اسد اور ساس عظمیٰ کیخلاف مقدمہ درج کرلیا گیا ہے اور مزید تفتیش کی جا رہی ہے۔ ایس پی ماڈل ٹاؤن ڈاکٹر عمارہ شیرازی نے ہسپتال جاکر متاثرہ خاتون کی عیادت بھی کی۔
