راولپنڈی (کرائم ڈیسک) آر پی او سید خرم علی کے حکم پر راولپنڈی پولیس نے مختلف تھانوں کی حدود میں منشیات فروشوں کے خلاف کریک ڈائون کے دوران 16ملزمان کو گرفتار کر کے 18کلو سے زائد چرس برآمد کر لی۔
تفصیلات کے مطابق صادق آباد پولیس نے ملزم عاقب سے 2کلو200گرام چرس،صدر بیرونی پولیس نے ملزم جنت گل سے 2کلو50گرام چرس،ریس کورس پولیس نے ملزم جہانگیر سے 1کلو 800گرام چرس،نصیر آباد پولیس نے ملزم ٖغلام رسول سے 1کلو 400گرام چرس،ملزم نعیم سے 1کلو320گرام چرس،سٹی پولیس نے ملزم وقار سے 1 کلو 250 گرام چرس،صدر واہ پولیس نے ملزم دانش سے 1کلو200گرام چرس،ملزم شہباز سے 1کلو150گرام چرس، محسن علی سے 666 گرام چرس،واہ کینٹ پولیس نے ملزم جعفرحسین سے 1کلو160گرام چرس،آر اے بازار پولیس نے ملزم رضوان سے 1کلو 250 گرام چرس،ملزم احتشام سے520گرام چرس،ویسٹریج پولیس نے ملزم جمیل سے 1کلو200گرام چرس،پیرودھائی پولیس نے ملزم سرشاد سے 600گرام چرس،نیوٹائون پولیس نے ملزم عزیز امجد سے 250گرام چرس،فضل الرحمن سے 250گرام چرس برآمد کرکے ملزمان کے خلاف الگ الگ مقدمات درج کرلیے گئے۔
