راولپنڈی (کرائم ڈیسک) راولپنڈی پولیس نےجعلسازوں کے خلاف کارروائی کرتے ہوئے 4ملزمان کو گرفتار کر لیا جن سے جعلی اشیاء برآمد کر لی گئی۔
پولیس کے مطابق سی آئی اے اور گنجمنڈی پولیس نے کاروائی کرتے ہو ئے جعلی اشیاء فروخت کرنے والے 04ملزمان کو گرفتار کر لیا،گرفتارملزمان میں خورشید،امان علی،فیصل اقبال اور عمران شامل ہیں، ملزمان سے مختلف اقسام کے سرف،شیمپوز،صابن،نیل،پتی،ہارپک،مورٹین،ویٹ کریم،لوشن اور ڈش واش لیکوڈ برآمدکر لیے،ملزمان کے خلاف نجی کمپنی کی جانب سے پولیس کو درخواست موصول ہونے پر مقدمہ درج کیا گیا،ایس ایس پی آپریشنز فیصل سلیم کا ٹیم کو شاباش دیتے ہوئے کہا کہ جعلی اشیاء تیار اورفروخت کرنے والے ملزمان کے خلاف کاروائیاں جاری رہیں گی۔
