راولپنڈی (کرائم ڈیسک) کوٹلی ستیاں پولیس کی کاروائی،سٹریٹ کرائم کی وارداتوں میں ملوث گینگ کا سرغنہ 02ساتھیوں سمیت گرفتار،مسروقہ رقم 01لاکھ10ہزار روپے،02موٹرسائیکل اور وارداتوں میں استعمال ہونے والا اسلحہ برآمد۔
پولیس کے مطابق کوٹلی ستیاں پولیس نے کاروائی کرتے ہوئے سٹریٹ کرائم کی وارداتوں میں ملوث گینگ کے سرغنہ کو 02ساتھیوں سمیت گرفتار کر لیا،گرفتار ملزمان نے گینگ کا سرغنہ مراد علی،اسامہ اور کاشف شامل ہیں،ملزمان سے مسروقہ رقم 01لاکھ 10ہزار روپے 02موٹرسائیکل اور وارداتوں میں استعمال ہونے والا اسلحہ برآمد ہوا، ایس پی صدر محمد نبیل کھوکھر کا کہنا تھا کہ ملزمان کو ٹھوس شواہد کے ساتھ چالان کر کے قرار واقعی سزا دلوائی جائے گی، شہریوں کو اٗن کے قیمتی اثاثے سے محروم کرنے والے ملزمان قانون کی گرفت سے نہیں بچ سکتے۔
