ملزمان سے 7کلو چرس ،آئس ، شراب اورپسٹل برآمد ،مقدمات درج
راولپنڈی(کرائم ڈیسک) راولپنڈی پولیس نے منشیات فروشوں اورشراب سپلائرز کے خلاف کارروائی کرتے ہوئی12ملزمان کوگرفتارکرکی7کلو کے قریب چرس ،آئس ، شراب اورپسٹل برآمد کرلیا۔
تفصیلات کے مطابق نصیر آبا دپولیس نے ملزم کتاب گل سے 1کلو 500 گرام چرس، ملزم امیر حمزہ سے 1کلو460گرام چرس، مندرہ پولیس نے ملزم ذوالقدر سے 1کلو350گرام چرس، دھمیال پولیس نے ملزم سعید سی1کلو250گرام چرس، سٹی پولیس نے ملزم عباس سے 360گرام چرس، رتہ امرال پولیس نے ملزم کامران سے 560گرام چرس، واہ کینٹ پولیس نے ملزم جاوید سے 110گرام چرس،صدربیرونی پولیس نے ملزم تاج سے 340گرام چرس، آراے بازار پولیس نے ملزم فیصل امین سی5گرام آئس اور1پستول 30بور معہ ایمونیشن ، سول لائنزپولیس نے ملزم سلمان سے 4گرام چرس ،صادق آبا د پولیس نے ملزم اسامہ سے 10لیٹرشراب،کہوٹہ پولیس نے ملزم خلیل سے 10بوتل شراب برآمد کرکے ملزمان کے خلاف الگ الگ مقدمات درج کرلیے گئے ،ایس ایس پی آپریشنز فیصل سلیم کا کہناتھاکہ گرفتار ملزمان کو ٹھوس شواہد کے ساتھ چالان کرکے قرار واقعی سزا دلوائی جائے گی ، منشیات اورشراب سپلائرز کے خلاف کریک ڈائون جاری رہے گا۔
