راولپنڈی (کرائم ڈیسک) اینٹی نارکوٹکس فورس نے ملک بھر میں منشیات کے خلاف کریک ڈائون کرتے ہوئی5 کارروائیوں کے دوران خاتون سمیت 4 ملزمان کو گرفتار کرلیا گیا۔
ترجمان اے این ایف کے مطابق منشیات کیخلاف کریک ڈائون لاہور، گوادراور خیبر کے علاقوں میں کیا گیا۔ ملزمان کے قبضے سے 113 کلوگرام سے زائد منشیات برآمد ہوئی۔ ترجمان کے مطابق لاہور کے علامہ اقبال انٹرنیشنل ائیرپورٹ پر کارروائیوں کے دوران ہیروئن کی بیرون ملک اسمگنگ کی کوشش بھی ناکام بنا دی گئی۔ گرفتار ملزمان کیخلاف انسداد منشیات ایکٹ کے تحت مقدمات درج کرلئے گئے ہیں۔
