راولپنڈی (کرائم ڈیسک) راولپنڈی پولیس نے مختلف تھانوں کو قتل کے مقدمہ میں مطلوب اشتہاری سمیت 07 مجرمان گرفتارکر لئے۔تفصیلا ت کے مطابق رتہ امرال پولیس نے کارروائی کرتے ہوئے قتل کے مقدمہ میں مطلوب اشتہاری مجرم امین خان کو گرفتار کرلیا، اشتہاری مجرم نے لین دینے کے تنازعہ پر05ماہ قبل ساتھیوں کے ہمراہ فائرنگ کرکے واجد خان کو قتل کردیاتھا۔
واقعہ کا مقدمہ مقتول کے بھائی کی مدعیت میں تھانہ رتہ امرال میں درج کیاگیاتھا۔
پیرودھائی پولیس نے چیک ڈس آنر کے مقدمہ میں مطلوب اشتہاری سلیمان اوراقدام قتل کے مقدمہ میں مطلوب اشتہاری مجرم عبدالحمید کو گرفتارکرلیا، اشتہاری مجرمان گزشتہ سال سے پیرودھائی پولیس کو مطلوب تھے۔ واہ کینٹ پولیس نے رابری کے مقدمہ میں مطلوب اشتہاری مجرم یوسف کو گرفتارکرلیا۔ ٹیکسلا پولیس نے رابری کے مقدمہ میں مطلوب اشتہاری مجرم عبدالرحمان کو گرفتارکرلیا۔ ائیرپورٹ پولیس نے ضرر کے مقدمہ میں مطلوب 02اشتہاری مجرمان جمیل اوراعجاز کو گرفتار کرلیا، اشتہاری مجرمان گزشتہ سال سے ائیرپورٹ پولیس کو مطلوب تھے۔
