اسلام آباد ( نیوز ڈیسک ) ادویہ سازی کی مصنوعات کی قومی برآمدات میں جنوری 2025 کے دوران 159.32 فیصد کا نمایاں اضافہ ریکارڈ کیا گیا ہے ۔
ادارہ برائے شماریات پاکستان (پی بی ایس ) کی رپورٹ کے مطابق اس دوران برآمدات کی مالیت 15.3 ار ب روپے تک بڑھ گئی جبکہ جنوری 2024 میں ادویہ سازی کے شعبہ کی برآمدات کا حجم 5.9 ارب روپے رہا تھا ۔ اس طرح جنوری 2024 کے مقابلہ میں جنوری 2025 کے دوران ادویہ سازی صنعت کی قومی برآمدات میں 9.4 ارب روپےیعنی 159 فیصد سے زیادہ کا نمایاں اضافہ ریکارڈ کیا گیا ہے ۔
