راولپنڈی ( کرائم ڈیسک ) اینٹی نارکوٹکس فورس نے الیکٹرانک کے سامان کی آڑ میں منشیات اور بڑی تعداد میں اسلحہ سمگلنگ کی کوشش ناکام بنا دی۔اے این ایف ہیڈکوارٹر راولپنڈی سے جاری انسداد منشیات آپریشنز کی تفصیلات کے مطابق اے این ایف نے کراچی میں بڑی کارروائی کرتے ہوئے الیکٹرانک کے سامان کی آڑ میں منشیات اور بڑی تعداد میں اسلحہ سمگلنگ کی کوشش ناکام بنا دی۔
کارروائی کراچی میں نرسری سٹاپ کے قریب واقع کوریئر آفس میں کی گئی۔پشاور سے بھیجے گئے پارسل میں موجود الیکٹرانک سامان سے 1 کلو 200 گرام چرس اور اسلحہ برآمدکیاگیا۔برآمد شدہ اسلحے میں 5 عدد نائن ایم ایم پستول 2 عدد 30 بور پستول اور 17 میگزین بمعہ 55 روند شامل ہیں ۔برآمد شدہ اسلحہ اور منشیات کو بیٹری چارجرز اور جوسر مشینوں میں مہارت کے ساتھ چھپایا گیا تھا۔پارسل کارخانو مارکیٹ پشاور سے کراچی کیلئے بک کروایا گیا تھا۔ترجمان نے بتایاکہ اسلحہ اور منشیات قبضے میں لے کر ملوث ملزمان کی تلاش کیلئے مزید کارروائی کا آغاز کر دیا گیا ہے۔
