راولپنڈی( کرائم ڈیسک ) صدربیرونی پولیس نے کارروائی کرتے ہوئے چوری کی واردات میں ملوث2 ملزمان کوگرفتارکرکے چوری شدہ ٹریکٹر اور پانی کا ٹینکر برآمدکرلیا۔
تفصیلات کے مطابق صدربیرونی پولیس نے کارروائی کرتے ہوئے چوری کی واردات میں ملوث 02 ملزمان یاسر اور صداقت کو گرفتارکرلیا، ملزما ن سے چوری شدہ ٹریکٹر اور پانی کا ٹینکر برآمدکر لیا،ملزم یاسر نے اپنے ساتھی صداقت کے ہمراہ ٹریکٹر اور پانی کا ٹینکر چوری کیا تھا، ایس پی صدر محمد نبیل کھوکھر نے کہا کہ شہریوں کو ان کے قیمتی اثاثے سے محروم کرنے والے ملزمان قانون کی گرفت سے نہیں بچ سکتے،ملزمان کو قرار واقعی سزادلوانے کے لیے تمام قانونی تقاضے پورے کیے جائیں گے۔
