راولپنڈی( کرائم ڈیسک ) دھمیال پولیس نے کارروائی کرتے ہوئے رابری اورسٹریٹ کرائم کی وارداتوں میں ملوث گینگ کے سرغنہ کو2 ساتھیوں سمیت گرفتارکرکے وارداتوں میں استعمال ہونے والا اسلحہ برآمدکرلیا۔
تفصیلات کے مطابق دھمیال پولیس نے کارروائی کرتے ہوئے رابری اورسٹریٹ کرائم کی وارداتوں میں ملوث گینگ کے سرغنہ کو2 ساتھیوں سمیت گرفتار کرلیا،گرفتار ملزمان میں گینگ کا سرغنہ وہاب، مبشر اور ریحان شامل ہیں ،ملزمان سے وارداتوں میں استعمال ہونے والا اسلحہ برآمدہوا، متعدد وارداتوں کے انکشاف پر ملزمان کو شناخت پریڈ کے لیے جیل منتقل کردیاگیا،شناخت پریڈکے بعد ملزمان سے مزید برآمدگی کا تحرک کیا جائے گا، ایس پی صدر محمد نبیل کھوکھر نے کہاکہ شہریوں کی جان ومال پر حملہ کرنے والے قانون کی گرفت سے نہیں بچ سکتے۔