راولپنڈی (کرائم ڈیسک) راولپنڈی پولیس نے شہر کے مختلف تھانوں کی حدود میں موٹرسائیکل چوری اور منشیات فروشی میں ملوث 8ملزمان گرفتار کر لئے۔پولیس ترجمان کے مطابق صدر بیرونی پولیس نے کارروائی کرتے ہوئے موٹرسائیکل چوری کی وارداتوں میں ملوث ملزم نعمان کو گرفتار کر لیا،ملزم سے چوری شدہ موٹرسائیکل برآمد ہوا۔
نیوٹاؤن پولیس نے ملزم احمد سے ایک کلو 60گرام چرس،ملزم آصف سے 5لیٹر شراب،کہوٹہ پولیس نے ملزم اسد سے 40بوتل شراب،پیرودھائی پولیس نے ملزم طارق سے 540گرام چرس،روات پولیس نے ملزم فیصل سے 520گرام چرس،ٹیکسلا پولیس نے ملزم شہزاد سے 10لیٹر شراب،ائیرپورٹ پولیس نے ملزم عبدالمطلب سے 08لیٹر شراب، ویسٹریج پولیس نے ملزم اقتدار سے 01پستول 30بور معہ ایمونیشن،صدر واہ پولیس نے ملزم امجد سے 01پستول 30بور معہ ایمونیشن برآمد کر کے ملزمان کے خلاف الگ الگ مقدمات درج کر لئے گئے ہیں ۔
