راولپنڈی (کرائم ڈیسک) اینٹی نارکوٹکس فورس نے منشیات اسمگلنگ کے خلاف 9 کارروائیوں کے دوران 31 کلوگرام منشیات برآمدکرکے12 ملزمان گرفتارکرلیے۔اے این ایف ترجمان کے مطابق پشاور ایئرپورٹ پر دوحہ جانے والے مسافر سے 900 گرام آئس برآمدکی گئی۔لاہور ایئرپورٹ پر قطر جانے والے دو مسافروں سے 580 گرام آئس برآمدکی گئی ۔
راولپنڈی میں واقع کوریئر آفس میں نیدرلینڈز اور برطانیہ سے بھیجے گئے 3 مختلف پارسلز سے 58 گرام ویڈ اور 70 ایم ڈی ایم اے برآمدکیے گئے۔شیر شاہ ٹول پلازہ ملتان کے قریب دو ملزمان سے 6 کلو گرام چرس اور 4 کلوگرام آئس برآمدکی گئی۔بحریہ ٹاؤن لاہور میں ملزم سے 4 کلوگرام افیون، 3.7 کلو گرام چرس اور 1 کلوگرام آئس برآمدکی گئی۔ائیرپورٹ چوک کوئٹہ پر 3 ملزمان سے 6 کلوگرام چرس برآمدکی گئی ۔لیل قصور چیک پوسٹ کے قریب 3 ملزمان سے 5 کلو گرام ہیروئن برآمدکی گئی ۔ترجمان نے بتایا کہ گرفتار ملزمان کے خلاف انسدادِمنشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔
