کلرسیداں (کرائم ڈیسک) کلرسیداں،شاہ باغ کےعلاقہ راجہ مارکیٹ میں ڈکیتی کی واردات مزاحمت پر خان خاور شدید زخمی،بھاگنے کے دوران ایک ڈاکو اپنے ہی ساتھیوں کی فائرنگ سے ہلاک ہو گیا ،گزشتہ رات دو ڈاکو خاور ایوب کی رہائش گاہ میں داخل ہوئے اور اہل خانہ کو یرغمال بنا لیا۔
مزاحمت کرنے پر خاور ایوب پر چھریوں سے حملہ کرکے شدید زخمی کردیا۔ ڈاکو پچاس تولہ طلائی زیورات اور نقدی لوٹ کر فرار ہو رہے تھے کہ پولیس پہنچ گئی جس پر ڈاکوؤں نے فائرنگ کر دی جس سے ان کا اپنا ایک ساتھی ہلاک ہو گیا۔پولیس کے مطابق مارے جانے والے ڈاکو کا تعلق واہ کینٹ سے بتایا جاتا ہے ڈاکو کی لاش کو تحصیل ہیڈ کوارٹر ہسپتال کلر سیداں منتقل کر دیا گیا۔
