راولپنڈی (کرائم ڈیسک) راولپنڈی کے مختلف علاقوں میں ڈکیتی اور چوری کی وارداتوں میں ملوث گینگز کے 07ملزمان گرفتار کر کے مسروقہ موٹرسائیکلز،نقدی،موبائل فونز اور اسلحہ برآمد کرلیا گیا ہے۔
پولیس ترجمان کے مطابق ٹیکسلا پولیس نے کارروائی کرتے ہوئے تین رکنی ڈکیت گینگ کو گرفتار کرلیا، گرفتار ملزمان میں حسنین عرف نینی، یوسف اور قاسم شامل ہیں،ملزمان سے،مسروقہ رقم 80000 روپے،02 موبائل فون،وارداتوں میں استعمال ہونے والے02موٹرسائیکل اوراسلحہ برآمد ہوا،ملزمان سے مال مسروقہ شناخت پریڈ کے بعد برآمد کیا گیا۔
کینٹ پولیس نے کارروائی کرتے ہوئے 02رکنی بائیک لفٹر گینگ کو گرفتارکرلیا، گرفتار ملزمان میں حسیب اور عدنان شامل ہیں،ملزمان سے چوری شدہ 10موٹرسائیکلز برآمد ہوئے۔جاتلی پولیس نے کاروائی کرتے ہوئے ملزم جمال کو گرفتارکرلیا، ملزم سے مسروقہ رقم 50 ہزار روپے برآمد ہوئے، گوجرخان پولیس نے کاروائی کرتے ہوئے ملزم عبدالرحمن کو گرفتارکرکے ملزم سے مسروقہ رقم 75 ہزار روپے برآمد کی،ملزم جمال چوری کے مقدمات میں ریکارڈ یافتہ ہے۔
