شکار پور: (کرائم ڈیسک) ایس ایس پی محمد عمران خان نے بتایا کہ خانپور کے کچے کے علاقے میں پولیس نے انٹیلی جنس بیسڈ ٹارگٹڈ آپریشن کیا۔ ایس ایس پی کے مطابق آپریشن کے دوران ڈاکوؤں اور پولیس میں فائرنگ کا تبادلہ ہوا، فائرنگ اور مقابلہ کے بعد ایک مغوی کو بازیاب کرالیا گیا ہے، ڈاکو مغوی کو ایک جگہ سے دوسری جگہ منتقل کر رہے تھے، پولیس کی بھاری نفری نے اطلاع ملتے ہی ڈاکوؤں کا تعاقب کیا۔
محمد عمران خان نے بتایا کہ پولیس اور ڈاکوؤں کا آمنا سامنا ہوا اور فائرنگ کا تبادلہ ہوا، فائرنگ کے تبادلے میں ڈاکو ایک مغوی کو چھوڑ کر فرار ہو گئے، فرار ڈاکوؤں کی گرفتاری کے لئے علائقے میں سرچ آپریشن جاری ہے۔
ایس ایس پی کے مطابق بازیاب ہونے والے مغوی کی شناخت لوڈر رکشہ ڈرائیور اللہ بخش شیخ کے نام سے ہوئی ہے، مغوی کو چند روز قبل گاؤں کوٹ شاہو کے قریب سے اغوا کیا گیا تھا۔
محمد عمران خان کا کہنا تھ اکہ مغویوں کو بحفاظت بازیاب کر کے ان کے ورثا کے حوالے کیا جا رہا ہے، فرار ڈاکوؤں کی گرفتاری کے لیے علائقے میں سرچ آپریشن جاری ہے۔
