بلوچستان کے ضلع قلعہ سیف اللّٰہ میں مسلح افراد نے فائرنگ کرکے لیویز اہلکار کو قتل کردیا، لواحقین نے کوئٹہ قلعہ سیف اللّٰہ شاہراہ پر احتجاج کیا۔
پولیس حکام کے مطابق قلعہ سیف اللّٰہ میں نامعلوم افراد کی فائرنگ سے لیویز ملازم رحمت اللّٰہ جاں بحق ہوگیا۔ وہ اپنی ڈیوٹی ختم کر کے گھر جارہا تھا کہ مسلح افراد نے اس پر شہر کے قریب فائرنگ کی۔
لیویز اہلکار کی لاش کو ڈی ایچ کیو اسپتال قلعہ سیف اللّٰہ منتقل کیا گیا۔ لیویز ملازم کے قتل کے خلاف لواحقین نے کوئٹہ قلعہ سیف اللّٰہ شاہراہ پر احتجاج کرتے ہوئے قومی شاہراہ ہر قسم کی ٹریفک کیلئے بند کردی جس سے گاڑیوں کی قطاریں لگ گئیں۔
