قرآن پاک اللہ تعالی نی طرفوں سب توں بعد نازل ہونڑے آلی اسمانیں کتاب ایہہ۔ اس دا ہک ہک حرف تے سورت پڑھنے نیاں باہونھ نیکیاں تے ثواب ملدا ایہہ۔ قرآن مجید دی تلاوت کرنڑیں نیئاں جدوں باہونھ نیکیاں دسئیاں گئیاں ہن؛ تے اتھے اس آں زبانیں یاد کرنڑ دیاں بھیی ٹہیراں ٹہیر نیکیاں روایتاں وچ آئیاں نے۔ آج اسی آپڑیں راتی تہیاڑی نے بارے وچ سوچاں، غور کراں تے اساں ایہہ پتا چلسی کہ اج باہونھ وڈے قرآن پڑھنیوں، اس دیاں دسیاں ہوئیاں گلاں تے عمل کرنڑیاں، کولوں دور آں۔ اساں نے قرآن شریف توں دور ہونڑیں نی وجاں توں اج ساڈے آسے پاسے آلی باہونھ سارے لوک کیہدے قرآن آں تعویذ بنڑھاں کے گلے وچ پاندینے نظر آنددن۔ تے کیہرے مرنڑیں تو بعد اساں، میت نے سرہانے الے پاسے پڑھنڑیں نیں جگہ ہک پاسے رخ کے منھ دوہہے پاسے کرنیں، اس کولوں دوری کرنیں نظر آ نددن۔ کسے پاسے ایہہ کتاب بیاہے وچ بہوٹی دی ڈولی اتے رخی جاندی ایہہ تے کیہدے اساں داجے وچ سجا کے رخددن۔
اسے طرآں قرآن ہر ویلے پکارانا کونڑں ہے جیہڑا الماریاں وچ پئے میرے نسخے نوں کھول کے میرے کولوں ہدیت کہننڑھ الا، کوئیں ہے وے میرے کولوں جندڑی گزارنڑیں دی گت سخنڑھ الا۔ کوئیں ہے وے جیہڑا میرے سچ دا پتا لا کے دنیا وچ میرا دسیا ہویا قنون چلاوے ، پر کونڑں ہوسی؟ ایہہ قوم تے قرآن دیاں دسیاں گلاں نوں پہلا بیٹھی اے۔ اج اساں قرآن چھوڑ کے نیک لوکاں دیاں کتاباں تو تبلیغ تے نصیحتاں شروع کر چھوڑیاں نے۔ جس نی وجاں تو ساڈے معاشرے وچ اوہ گلاں جناں عقل نیں مندی تے وڈ وڈیریاں دیاں گلاں بونھ اونچی جائی تے اساں پہنچاں چھوڑیاں نے۔ جنا وڈ وڈیریاں نیاں گلاں دسڑوں اسی نہ تھکدے اں۔ اوہ آپے ساری عمر قرآن نیں نور تو کہن کے، اس دنیا نوں روشن کردے رہے ہن۔ ایہہ جے اوکھے ویلے وچ مجدد الف ثانی جئے نیک لوک دنیا تے آنڑں نیں ضرورت اے۔ جیہڑا لوکاں نوں قرآن تے نبی پاک دے آکھے ہووے فرماں دس کے، ایہہ گل دسے کہ قرآن گلئیاں وچ لٹکانڑیں، بیاہے وچ ڈولیاں تے، ماتمیاں تے جنازے دے سرہانے والے پاسے رخنڑیں نئیں اس دنیا تے آیا۔ بلکہ ایہہ تے اساں ساریاں نیں ہدایت واسطے آیا ایہہ۔ آخر وچ علامہ اقبال دے شاعر نال اجازت کہنسا۔
اوہ زمانے وچ معزز سی مسلمان ہوکے
تے تسی خوار ہووے تارک قرآن ہوکے
کالم نگار کی رائے سے ادارے کا متفق ہونا ضروری نہیں-
