دبئی: (سپورٹس ڈیسک) 8 دسمبر سے متحدہ عرب امارات کے شہر دبئی میں شروع ہونے والے انڈر 19 ایشیا کپ میں شرکت کیلئے قومی انڈر19 ٹیم سعد بیگ کی قیادت میں دبئی پہنچ گئی۔
ایونٹ میں پاکستان انڈر 19 ٹیم گروپ اے میں شامل ہے، پاکستان کے علاوہ گروپ اے میں بھارت، افغانستان اور نیپال کی ٹیمیں شامل ہیں، قومی انڈر 19 ٹیم اپنا پہلا میچ 8 دسمبر کو نیپال کے خلاف کھیلے گی۔
Pakistan U19 team arrives in Dubai ????#PakistanFutureStars pic.twitter.com/piZ1qkwR0s
— Pakistan Cricket (@TheRealPCB) December 6, 2023
پاکستانی انڈر 19 ٹیم 10 دسمبر کو روایتی حریف بھارت اور 12 دسمبر کو افغانستان کے خلاف آمنے سامنے ہوگی، ٹورنامنٹ کے دونوں سیمی فائنلز 15 دسمبر کو ہوں گے جبکہ فائنل 17 دسمبر کو کھیلا جائے گا۔
