غیر قانونی طور پر گیس سلنڈرز ریفلنگ کرنے پر2ملزمان گرفتار،گیس سلنڈرز و دیگر آلات ریفلنگ برآمد
راولپنڈی (کرائم ڈیسک) صادق آباد پولیس نے کارروائی کرتے ہوئے غیر قانونی طور پر گیس سلنڈرز ریفلنگ کرنے والے 2ملزمان کوگرفتارکرلیا،ملزمان کے قبضہ سے گیس سلنڈرز اور دیگر آلات ریفلنگ برآمدکرلئے گئے ۔
تفصیلات کے مطابق صادق آباد پولیس نے کارروائی کرتے ہوئے غیر قانونی طور پر گیس سلنڈرز ریفلنگ کرنے والی2ملزمان محبوب الٰہی اورعدنان کوگرفتارکرلیا، ملزمان سے گیس سلنڈرز اورآلات ریفلنگ برآمد ہوئے ۔ایس پی راول فیصل سلیم نے کہاکہ قانون شکنی کے ذریعے شہریوں کی جانیں خطرے میں ڈالنے والے ملزمان قانون کی گرفت سے نہیں بچ سکتے ۔
