راولپنڈی (کرائم ڈیسک) ٹیکسلا پولیس کی کاروائی،شادی کی تقریب میں رقص و سرود کی محفل سجانے اور ساؤنڈ سسٹم ایکٹ کی خلاف ورزی کرنے پر 16 ملزمان کوگرفتارکرلیا۔
پولیس کے مطابق ٹیکسلا پولیس نے کارروائی کرتے ہوئے شادی کی تقریب میں رقص و سرور کی محفل سجانے اور ساؤنڈ سسٹم ایکٹ کی خلاف ورزی کرنے پر16ملزمان کو گرفتار کر لیا،گرفتار ملزمان میں احتشام،سیمسنگ،راجہ مسیح،سمیر،آکاش،نعمان،سوئم عامر،روحیل گل، آصف،سلمان،زین پرویز،سنی مسیح،فاروق،سمیع حسن اور زاہد علی شامل ہیں،ملزمان سے ساؤنڈ سسٹم برآمدہوا،ایس پی پوٹھوہار محمد وقاص خان کا کہنا تھا کہ اونچی آواز میں ساؤنڈ سسٹم چلا کر شہریوں کے آرام میں خلل ڈالنے والے ملزمان قانون کی گرفت سے نہیں بچ سکتے۔
