راولپنڈی(کرائم ڈیسک) آراے بازار پولیس نے کارروائی کرتے ہوئے والدہ پر تشدد کرنے والے ناخلف بیٹے کوگرفتارکرلیا۔
تفصیلات کے مطابق آر اے بازار پولیس کو ملزم کی والدہ نے درخواست دی کہ اُس کا بیٹا زاہد اُس پر تشدد کر تا ہے اور نشہ کے لیے پیسے مانگتا ہے،آر اے بازار پولیس نے والدہ کی درخواست پر والدین تحفظ آرڈنینس کے تحت درج مقدمہ درج کرکے ملزم زاہد کو گرفتار کرلیا۔ایس پی پوٹھوہار محمد وقاص خان نے کہا کہ ملزم کو قر ار واقعی سزا دلوانے کے لیے تمام قانونی تقاضے پورے کیے جائیں گے،والدہ جیسی عظیم ہستی سے ناروا سلوک اور جھگڑا ناقابل تصور اور افسوس ناک ہے۔
