قبضہ سے چھینے گئے طلا ئی زیو رات،نقدی اور گھڑی کل مالیتی 11لا کھ 50ہزارروپے برآمد
اسلام آباد(کرائم ڈیسک) اسلام آباد کیپیٹل پولیس انسداد چوری اورڈکیتی یونٹ پولیس نے گھر یلو ڈکیتی کی وارداتو ں میں ملوث منظم گر وہ کے اہم رکن کو گرفتارکر لیا،ملزم کے قبضہ سے چھینے گئے طلا ئی زیو رات،نقدی اور گھڑی کل مالیتی 11لا کھ 50ہزارروپے برآمدکرلئے گئے۔
تفصیلات کے مطابق اسلام آباد کیپیٹل سٹی پولیس آ فیسر ڈاکٹر اکبر ناصر خاں کے خصوصی احکامات کی روشنی میں اسلام آباد کیپیٹل پولیس کا ضلع بھر میں ڈکیتی اور راہزنی کی وارداتوں میں ملوث ملزمان کیخلاف بلا تفریق کارروائیوں کا سلسلہ جاری ہے،اس سلسلے میں اسلام آباد کیپیٹل پولیس انسدادچوری اورڈکیتی یونٹ پولیس نے موثرکارروائی کرتے ہوئے تکنیکی اورانسانی ذرائع کی مدد سے گھریلو ڈکیتی کی متعدد وارداتو ں میں ملوث منظم گر وہ کے اہم رکن کو گرفتارکرلیا،گرفتار ملزم کے قبضہ سے چھینے گئے طلا ئی زیو رات،نقدی اور گھڑی کل مالیتی 11لا کھ 50ہزارروپے برآمدکرلیے گئے، ملزم کی شنا خت عطا اللہ شاہ کے نام سے ہو ئی ہے، ابتدائی تفتیش کے دوران گرفتار ملزم نے تھا نہ گو لڑ ہ کے علا قہ میں متعدد وارداتیں کر نے کا انکشا ف کیا ہے، مزید تفتیش جاری ہے، آئی سی سی پی او نے کہا کہ اسلام آباد کیپیٹل پولیس شہریوں کی جان و مال کے تحفظ کیلئے تمام تر ممکنہ اقدامات اٹھا رہی ہے،کسی بھی جرائم پیشہ عنا صر کو عوام الناس کے امن میں خلل ڈالنے کی اجازت نہیں دی جائے گی، شہریوں سے گزارش ہے کہ وہ پولیس کے ساتھ تعاون کریں اور کسی بھی مشکوک چیز یا سرگرمی کے بارے میں متعلقہ تھانہ یا ”پکار15- ”پر اطلا ع کریں۔
