راولپنڈی (کرائم ڈیسک) انسداد منشیات فورس ( اے این ایف )نے منشیات کے خلاف جاری کارروائیوں کے دوران 49 کلو گرام سے زائد منشیات برآمدکرکے 4 ملزمان گرفتارکرلیے ہیں ۔اے این ایف ترجمان کے مطابق چکلالہ گیریژن راولپنڈی میں واقع کوریئر آفس میں برطانیہ سے بھیجے جانے والے پارسل سے 38 گرام ویڈ برآمدکی گئی۔
میانوالی میں کارروائی کرتے ہوئے موٹر سائیکل سے 2 کلو 734 گرام ہیروئن کر کے 1مُلزم گرفتارکیا گیا۔ایم 2 راوی ٹول پلازہ لاہور کے قریب گاڑی میں چھپائی گئی 2 کلو چرس برآمد کر کے خیبر کے رہائشی2ملزمان گرفتارکیے گئے۔ پاسپورٹ آفس کراچی کے قریب اسلام آباد کے رہائشی ملزم سے 185 عدد نشہ آور(ایکسٹیسی) گولیاں برآمدکی گئیں۔ کوسٹل ہائی وے پسنی کے قریب غیر آباد علاقے میں اسمگلنگ کے لئے چھپائی گئی 45 کلو چرس برآمدکی گئی۔ترجمان نے بتایا کہ ملزمان کے خلاف انسدادِمنشیات ایکٹ کے تحت مقدمات درج کر کے مزید تحقیقات کا آغاز کر دیا گیا ہے۔
