راولپنڈی(کرائم ڈیسک) اے این ایف نے منشیات اسمگلنگ کے خلاف ملک بھر میں کریک ڈاؤن کرتے ہوئے 5 کارروائیوں کے دوران 10 کلوگرام سے زائد منشیات برآمد کر کے خاتون اور غیرملکی گرفتار کرلیا ۔ ترجمان کے مطابق راولپنڈی میں کوریئر آفس میں دو عدد پارسلز سے 60 گرام ویڈ برآمد کرلی گئی ،دونوں پارسلز برطانیہ سے آزاد کشمیر کے لیے بک کروائے گئے تھے۔
ترجمان کے مطابق گلبرگ لاہور میں واقع کوریئر آفس میں آسٹریلیا بھیجے جانے والے پارسل سے آئس برآمد کرلی گئی ،1 کلو 550 گرام آئس بچوں کی شیٹس، بیگز اور لہنگے میں چھپائی گئی تھی۔ترجمان کے مطابق پارسل بک کروانے والی لاہور کی رہائشی خاتون اور نائیجیرین باشندہ گرفتار کرلی گئی ،لاہور ایئرپورٹ پر کراچی کیلئے بک کئے گئے پارسل سے 1 کلوگرام چرس برآمد کرلی گئی ،خیبر کے علاقے زخہ خیل میں اسمگلنگ کے لئے چھپائی گئی 8 کلو 320 گرام چرس برآمد کرلی گئی ۔ ترجمان اے این ایف کے مطابق گرفتار ملزمان کے خلاف انسدادِ منشیات ایکٹ کے تحت مقدمہ درج کر کے مذید تحقیقات کا آغاز کر دیا گیا ہے۔
