راولپنڈی (کرائم ڈیسک) سٹی ٹریفک پولیس راولپنڈی نے گاڑیوں میں سامان کی اوور لوڈنگ کے خلاف کاروائی میں ضلع بھر کے مختلف مقامات پر دوران چیکنگ اوور لوڈنگ کی مرتکب80گاڑیوں کو چالان ٹکٹ جاری کر دیئے اس موقع پر چیف ٹریفک افسر راولپنڈی تیمور خان نے کہا کہ گاڑیوں پر سامان کی اوور لوڈنگ کرنیوالے کسی رعایت کے مستحق نہیں ہیں،ضرورت سے زائد سامان لوڈ کرنے والے اپنے ساتھ دوسروں کی زندگی کو بھی خطرے میں ڈالتے ہیںراولپنڈی ٹریفک پولیس کی جانب سے اوور لوڈنگ کرنیوالوں کیخلاف سخت کاروائی کا آغاز کر دیا گیا ہے ہمارا مقصد شاہراہوں کوحادثات سے پاک اور انسانی زندگی کو محفوظ بنانے کے لئے ٹریفک قوانین پر عمل کروانا ہے۔
