چنیوٹ: (کرائم ڈیسک) بااثر زمیندار کی ٹرالی وقت نہ بنانے پر انسانیت کا تقدس پامال کرتے ہوئے کاریگر کو گلے میں رسی ڈال کر کتا بنا کر کھیتوں میں پھیرا گیا۔
تفصیلات کے مطابق بااثر زمیندار بھائی خان نے مستری اختر کو کتے کی طرح پانی بھی پلوایا، زمیندار کی طرف سے کتا بنانے اور پانی پلانے کی ویڈیو سوشل میڈیا پر وائرل ہوگئی۔
واقعہ تھانہ صدر کے علاقہ ہرسہ شیخ میں پیش آیا ، ویڈیو میں گلے میں رسہ ڈالے مستری کو جانوروں کی طرح چلاتے اور پانی پلاتے دیکھا جاسکتا ہے۔
مستر اختر کا کہنا ہے کہ زمیندار کی ٹرالی لوڈشیڈنگ کی وجہ سے بننے میں تاخیر ہوئئی، ویڈیو میں زمیندار نے دھمکیاں لگائیں کہ اگر آٹھ دن میں ٹرالی نہ بنائی تو اس سے برُا حشر کرونگا۔
