راولپنڈی (کرائم ڈیسک) راولپنڈی جاتلی پولیس نے کارروائی کرتے ہوئے 03روز قبل فائرنگ کرکے اپنی بھتیجی کو قتل کرنے والے ملزم کو گرفتار کر لیا۔
پولیس کے مطابق ایس پی صدر محمد نبیل کھوکھر کی سربراہی میں جاتلی پولیس نے کارروائی کرتے ہوئے3روز قبل فائرنگ کرکے اپنی بھتیجی کو قتل کرنے والے ملزم ناہید کو گرفتارکرلیا-
ملزم ناہید نے اپنے ساتھی کے ہمراہ فائرنگ کر کے اپنی بھتیجی حمنہ تحریم کو قتل کر دیاتھا،ملزم کو رنج تھا کہ اسکی بھتیجی حمنہ تحریم نے پسند کی شادی کی تھی۔ ایس پی صدر محمد نبیل کھوکھر کا کہناتھاکہ گرفتار ملزم کو ٹھوس شواہد کے ساتھ چالان کر کے قرار واقعی سزا دلوائی جائیگی۔
