گورکن نےملزم کے قبرستان پہنچنے کی اطلاع پولیس کو کر دی،ملزم بیوی کی لاش دفنانے کے دوران پکڑا گیا
لاہور(کرائم ڈیسک) امریکن بیوی کو قتل کے بعد لاش دفنانے کے دوران شوہر قبرستان سے گرفتار کر لیا گیا۔ ملزم بیوی کو قتل کر کے لاش دفنانے اکیلے ہی قبرستان پہنچا تھا کہ گورکن نے اطلاع کر دی۔تفصیلات کے مطابق لاہور میں شوہر نے امریکی شہریت رکھنے والی خاتون کو قتل کر دیا۔پولیس کے مطابق شوہر کے ہاتھوں امریکی نیشنل خاتون کے قتل کی واردات لاہور کے فیکٹری ایریا میں ہوئی۔
پولیس کا مزید کہنا ہے کہ ملزم کاظم خان نے مقتولہ ڈائنا کرسٹو خان کو تشدد کا نشانہ بنا کر قتل کیا، ملزم بیوی کو قتل کر کے لاش دفنانے اکیلے ہی قبرستان پہنچا تھا کہ گورکن نے پولیس کو اطلاع کر دی۔ملزم لاش کو قبرستان میں خاموشی سے تدفیق میں مصروف تھا کہ اسے دھر لیا گیا۔
پولیس کا بتانا ہے کہ ملزم کاظم خان کو بیوی کی لاش دفناتے قبرستان سے گرفتار کر لیا گیا اور ملزم سے آلہ قتل بھی برآمد کر لیا گیا ہے۔
ایس پی کینٹ اویس شفیق کے مطابق مقتولہ کی لاش پوسٹ مارٹم کے لیے مردہ خانے منتقل کر دی گئی ہے اور واردات کا مقدمہ درج کر کے ملزم سے تحقیقات کی جا رہی ہیں۔پولیس اور فرانزک ٹیم نے شواہد جمع کرکے مختلف پہلوؤں پر تحقیقات کا آغاز کر دیا ہے۔دوسری جانب سرگودھاریجن میں گھریلو جھگڑا یا کچھ اور نوجوان شوہر نے چاقو مار کر بیوی کو قتل اور بیٹی کو شدید زخمی کر دیا اور فرار ہو گیا۔
اس حوالے سے بتایا گیا ہے کہ سرگودھا ریجن کے علاقہ بھکر کے گاؤں گوہر والا میں گھریلو جھگڑا یا کھچہ اور نوجوان شوہر نے چاقو کے پے در پے وار سے بیوی کو قتل اور بیٹی کو شدید زخمی کردیا اور فرار ہو گے۔ پولیس نے مقتولہ ماں کی نعش اور زخمی بیٹی کو ہسپتال منتقل کر دیا جہاں لڑکی کو تشویشناک میں ریفر کر دیا گیا اور پولیس جائے واردات سے شواہد اکٹھے کرتے ہوئے مصروف تفتیش ہے۔
