راولپنڈی (کرائم ڈیسک) تھانہ صادق آباد پولیس نے ڈکیتی،نقب زنی اور راہزنی کی واردات میں ملوث چار ملزمان گرفتار کر کے مسروقہ رقم، طلائی زیورات اوراسلحہ برآمدکرلیا۔تفصیلات کے مطابق صادق آباد پولیس نے نقب زنی کی واردات میں ملوث دو ملزمان کو گرفتارکرلیا، ملزمان کی شناخت عمر فاروق اور عباس احمد کے نام سے ہوئی ہے۔
ملزمان سے مسروقہ رقم 06لاکھ روپے، 04 تولے سونااوراسلحہ برآمد ہوا، ملزمان نے 04روز قبل گھر سے سونا اور رقم چوری کی تھی۔دریں اثناء صادق آباد پولیس نے رابری اورسٹریٹ کرائم کی وارداتوں میں ملوث گینگ کے سرغنہ کو ساتھی سمیت گرفتار کرلیا، گرفتار ملزمان میں گینگ کا سرغنہ فریاد عرف یادی اور محمد اسامہ شامل ہیں،ملزمان سے وارداتوں میں استعمال ہونے والے اسلحہ برآمد ہوا، ملزمان کو متعدد وارداتوں کے انکشاف پر شناخت پریڈ کے لیے جیل منتقل کیا گیا۔
