زمان پارک میں آپریشن کی تیاری مکمل ، لاہور کی مختلف سڑکیں بند، آپریشن میں ایک ہزار سے زائد پولیس اہلکار حصہ لے رہے ہیں،کرینیں بھی پہنچا دی گئیں
لاہور (نیوز ڈیسک) زمان پارک کی جانب پولیس نے ایک بار پھر پیش قدمی شروع کر دی،کرینیں بھی پہنچا دی گئی۔ تفصیلات کے مطابق زمان پارک کے اطراف پولیس نے گرینڈ آپریشن کیلئے پیش قدمی شروع کر دی ہے،ڈی آئی آپریشن اور ڈی آئی جی انوسٹی گیشن قیادت کر رہے ہیں،آپریشن میں ایک ہزار سے زائد پولیس اہلکار حصہ لے رہے ہیں۔ آپریشن میں اینٹی رائیٹ فواد اور سی آئی اے اہلکار بھی شامل ہیں،پولیس کے مطابق زمان پارک عمران خان کی رہائش کے ارد گرد پی ٹی آئی کے ڈنڈا بردار کارکن موجود ہیں،جبکہ مسرت چیمہ نے ایک بیان میں کہا ہے کہ عمران خان اسلام آباد کی عدالت میں پیشی کیلئے روانہ ہو چکے ہیں اور یہ زمان پارک پر حملہ آور ہیں۔
لاہور ہائیکورٹ کے آرڈرز کی کھلم کھلا خلاف ورزی کرتے ہوئے زمان پارک عمران خان کے گھر کا مین گیٹ کرین سے توڑا جا رہا ہے۔#چلو_چلو_اسلام_آباد_چلو pic.twitter.com/42XbJ5mcIn
— Zeeshan (@zeeshanimranpti) March 18, 2023
پولیس عمران خان کے گھر کا گیٹ توڑ کر اندر داخل ہو گئی ہے
گھر میں صرف ملازمین اور بشری بی بی موجود ہیں
pic.twitter.com/u1ZTk68UjI— PTI (@PTIofficial) March 18, 2023
یاد رہے کہ چئیرمین پی ٹی آئی عمران خان توشہ خانہ کیس میں پیشی کیلئے زمان پارک لاہور سے اسلام آباد روانہ ہو گئے ہیں،عمران خان قافلے کی شکل میں اسلام آباد پہنچیں گے۔
پولیس کی بھاری نفری اسلام آباد ٹول پلازہ پر موجود، عمران خان کا قافلہ روک لیا۔
#چلو_چلو_عمران_کے_ساتھ— PTI (@PTIofficial) March 18, 2023
ایڈیشنل سیشن جج ظفر اقبال نے عمران خان کو فرد جرم عائد کرنے کیلئے طلب کر رکھا ہے،توشہ خانہ کیس کی سماعت آج جوڈیشل کمپلیکس میں ہو گی۔ جبکہ جوڈیشل کمپلیکس کے کارکنان کی گرفتاریاں شروع ہوگئیں۔
پی ٹی آئی کے دو کارکنوں کو گرفتار کر کے قیدی وین میں ڈال دیا گیا۔جوڈیشل کمپلیکس میں انٹرنیٹ سروس بھی بند کر دی گئی۔اسلام آباد اور راولپنڈی میں دفعہ 144 نافذ کی جا چکی ہے۔ جبکہ اسلام آباد پولیس کی جانب سے چیئرمین تحریک انصاف عمران خان کی پیشی سے متعلق قوائد و ضوابط کا نوٹیفکیشن جاری کر دیا گیا ہے،نوٹیفکیشن میں کہا گیا ہے کہ عمران خان کی پیشی کے موقع پر کوئی سڑک بند نہیں کی جائے گی،ایمبولینس اور فائر بریگیڈ کو راستہ دیا جائے گا،کسی قسم کی خلاف ورزی کی صورت میں قانونی کارروائی کا سامنا کرنا ہو گا۔