راولپنڈی ( کرائم ڈیسک ) سی پی او سید خالد ہمدانی کی ہدایت پر راولپنڈی پولیس کا منشیات فروشوں کے خلاف کریک ڈاؤن جاری ہے ، گزشتہ روز 3 ملزمان گرفتار کر کے چھ کلو سے زائد چرس برآمد کر لی ، ترجمان پولیس کے مطابق ویسٹریج پولیس نے ملزم خرم سے 2 کلو 460 گرام چرس، آر اے بازار پولیس نے ملزم بابو خان سے 2 کلو 200 گرام چرس، ریس کورس پولیس نے ملزم الیاس سے ایک کلو 600 گرام چرس برآمد کر کے ملزمان کے خلاف الگ، الگ مقدمات درج کر لیے، ملزمان کو ٹھوس شواہد کے ساتھ چالان عدالت کر کے قرار واقعی سزا دلوائی جائے گی، منشیات کے ناسور کے خاتمے کے لیے منشیات فروشوں کے خلاف کاروائیاں جاری رکھی جائیں گی۔
