راولپنڈی برطانیہ پلٹ خاتون شہری سراپا احتجاج ، کلر سیداں سے تعلق رکھنے والی برطانیہ پلٹ خاتون کی جدی زمینوں پرقبضہ کی کوشش
پولیس بااثر شخصیت سے ساز باز کرکے کے میری جائیداد پر قبضہ کروانے میں مصروف ہے ، کلر سیداں پولیس قبضہ مافیا کے ہاتھوں بے بس ۔متاثرہ خاتون
راولپنڈی (حالات کرائم نیوز )تفصیلات کے مطابق کلر سیداں کی برطانیہ پلٹ خاتون نے کہا ہے کہ کلر سیداں پولیس کی ملی بھگت سے میرا گھر گیرا دیا گیا میں برطانیہ میں تھی جب مجھے خبر ملی تو پاکستان واپس آکر میرے گھر کو مسمار کرنے والے عناصر کے خلاف تھانے میں متعدد بار تحریری درخواست دائر کی تمام تر کوششوں کے باوجود میری شنوائی نہیں ہو رہی۔
متاثرہ خاتون نے مزید بتایا کہ میرا گھر گرانے کی وڈیو ثبوت موجود ہے جو متعلقہ پولیس کو دکھائی گئی مگرکلر سیداں پولیس میری ایف آئی آر درج کرنے سے قاصر ہے۔ستم پر ستم یہ ہے کہ میں روز تھانے کے چکر کاٹتے پر مجبور ہوں میں جہاں بھی جاتی ہوں پولیس والے میری داد رسی کرنے کی بجائے مجھے ڈرانا دھمکانا شروع کر دیتے ہیں۔آر پی او راولپنڈی یاسر سرفراز الپاءسی پی او راولپنڈی سید خالد ہمدانی سے اپیل ہے کہ میری جائیداد پر ناجائز قبضہ کرنے اور میراگھر کو مسمار کرنے والے عناصر اور انکی پشت پناہی کرنے والے پولیس افسران کے خلاف فوری عمل میں لا کر انہیں قرار واقعی سزا دی جائے اور مجھے انصاف مہیا کیا جائے
