راولپنڈی (کرائم ڈیسک) اینٹی نارکوٹکس فورس (اے این ایف )نے منشیات سمگلنگ کے خلاف جاری کریک ڈاؤن کے دوران 5 کارروائیوں میں 128 کلو گرام منشیات برآمدکر کے 5 ملزمان کو گرفتار کر لیا ۔اے این ایف ترجمان کے مطابق پشاور ایئرپورٹ پر جدہ جانے والے مسافر سے 40 عدد ہیروئن بھرے کیپسولز برآمدکیے گئے ۔
زخہ خیل خیبر سے 63 کلو چرس برآمدکی گئی۔
نیشنل ہائی وے حیدرآباد کے قریب2ملزمان سے 58.8 کلوگرام چرس برآمدکی گئی ۔نور شاہ روڈ ساہیوال میں ملزم سے 4.8 کلو گرام چرس برآمدکی گئی ۔جی ٹی روڈ سوہاوہ جہلم کے قریب ملزم سے 1.2 کلو گرام چرس برآمدکی گئی ۔ترجمان نے کہا کہ گرفتار ملزمان کے خلاف انسدادِمنشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔
